唱亞視歌笑無綫愛照肺 62歲朱咪咪變身學生妹 自爆遭同行看不起


  • 62歲朱咪咪以少女學生Look出場大唱兒歌,跳到喘氣時笑說﹕「未見過咁靚嘅少女?未見過有魚尾紋少女?」(攝影﹕鍾偉茵)

  • 朱咪咪穿上閃爆珠片裙為個唱揭開序幕。(攝影﹕鍾偉茵)

  • 朱咪咪帶着醒獅向台下觀眾拜年,有個「運財童子」(右)拿着大袋跟着朱咪咪?利市。(攝影﹕鍾偉茵)

  • 朱咪咪與大仔馬健庭(左)、細仔馬健晉(中)合唱《海闊天空》。(攝影﹕鍾偉茵)

  • 朱咪咪笑指這身學生Look是當年求學時的校服,又笑指見到台下觀眾對她的學生妹造型睇到嘔血。(攝影﹕鍾偉茵)

  • 朱咪咪扮接聽無綫高層電話。(攝影﹕鍾偉茵)

  • 朱咪咪與姜皓文大唱亞視劇集主題曲。(攝影﹕鍾偉茵)

  • 演唱會熒幕播出朱咪咪少女時的舊照,觀眾睇到嘩嘩聲。

  • 劉玉翠穿透視裝上台演出,慘遭朱咪咪取笑她的身材。(攝影﹕鍾偉茵)

【明報專訊】一連兩場《朱咪咪利利是是演唱會》前晚大年初七於紅館開鑼,朱咪咪繼續以其搞笑風格表演,令全場爆笑之餘,少不免向觀眾?利市,就連上台合唱的兩個兒子、表演嘉賓姜皓文、劉玉翠及李思捷亦狂?利市,要出動「運財童子」跟尾袋利市。朱咪咪又大膽拿無綫開玩笑。而造型方面,除了高貴閃爆的舞衣外,更變身少女學生Look。

記者﹕梁榮達 攝影﹕鍾偉茵

62歲朱咪咪前晚年初七人日在紅館開騷,全場爆滿,演唱會由連串炮仗巨響聲揭開序幕,朱咪咪穿上閃爆珠片Deep V裙獻唱《白金升降機》,唱罷跟觀眾拜年,適逢前晚人日,朱咪咪大唱生日歌。她說﹕「新的一年希望人人有工開,晚晚有覺瞓,瞓得係福氣,睇完騷開開心心返去瞓個好覺,精神爽利。」

帶醒獅狂?利市

其後朱咪咪換上紅裙出場,笑言似利市封有節日氣氛,台上還有4隻醒獅舞動,十分熱鬧。朱咪咪帶着4隻醒獅向台下觀眾拜年,有個「運財童子」拿着大袋跟着朱咪咪?利是。當她?完利市準備返回舞台,又折返?奶奶的利市,她說﹕「我奶奶封利市唔可以唔攞,萬一佢叫個仔休咗我咪死!」令全場爆笑。

「未見過有魚尾紋少女?」

62歲的朱咪咪以少女學生Look出場大唱兒歌,跳到喘氣時笑問舞蹈員﹕「未見過咁靚嘅少女?未見過有魚尾紋少女?真係無氣喇。」又將《IQ博士》歌詞改成「豬乸」、「豬扒」,掀起全場高潮。朱咪咪笑指這身學生Look是當年求學時的校服。她其後笑指見到台下觀眾對她的學生Look造型睇到嘔血。

再大歌手都是開4面台

朱咪咪表示今次是她最後一次在紅館開騷,她說﹕「有記者問我唔唱歌是否有大病,我睬過你!其實每次做騷都要落手落腳去做,都好辛苦,唔再做是想我下半生舒服一點。好感激全場觀眾對我不離不棄,我本身無簽大公司,無大後台又無靠山,我只簽了TVB,我知道有同行睇唔起我,話不是大公司製作,但對我都不重要,最重要令大家開開心心,老實講,大與細有什麼分別,再大的歌手都是開4面台,開不到6面台。」

3母子合唱《海闊天空》

其後朱咪咪兩個兒子手持鮮花上台,她問兒子﹕「啲花是否從後台花籃偷來?」兩個仔點頭,朱咪咪搞笑以「兩個乞兒仔」形容他們。朱咪咪與兩個仔合唱《海闊天空》,指他們無興趣加入娛樂圈,同樣沒有演藝天分,叫大家不用寄予厚望,今次唱歌就得到證實。她又爆大仔今年將會結婚,年底榮升做奶奶級。

演唱會嘉賓有姜皓文、劉玉翠及李思捷。朱咪咪介紹亞視舊將姜皓文出場時說﹕「今晚是冒險請你來,因你是隔籬台。」說罷即與姜皓文鬥唱《IQ成熟時》、《秦始皇》、《天蠶變》及《大地恩情》等亞視劇集主題曲。朱咪咪突然拿起電話扮嘢收到無綫高層來電,她抵死對着電話說﹕「喂,邊個?叫我落台?剛剛開騷……係,多謝提點,知道點做,拜拜!」收線後即向姜皓文表示快啲轉台,要唱回自己電視台的歌,否則要上去照肺,因為公司很喜歡幫人照肺。姜皓文搞笑話TVB醫療福利好好。之後兩人選唱TVB劇集主題曲《難為正邪定分界》。

姜皓文﹕TVB醫療福利好

輪到劉玉翠出場時,穿上透視裝的劉玉翠慘被朱咪咪取笑:「你都冇乜肉,換轉我著呢件衫一定好睇過你,無事業線就唔好縫條落去啦。」令劉玉翠難以招架。

■更多娛樂猛料 ﹕ol.mingpao.com

 

劉玉翠姜皓文朱咪咪李思捷