苑瓊丹拍戲黐膠水致皮膚敏感


苑瓊丹在有份參演的新片因為化妝問題搞到皮膚敏感。(攝影/記者:鍾一虹)

【明報專訊】苑瓊丹(丸仔)昨日到觀塘拍攝健康食品廣告,她表示第二次為該產品代言,好開心廣告商主動加酬勞給她,她又提到有份參演電影《西遊記:女兒國》,霸佔了她5個月檔期,所以最近會多留在港,不能接太多工作,她的角色每次開工前都要化妝4小時,猶如死屍般躺下讓化妝師上妝。

丸仔指妝容要黐膠水,引致皮膚敏感,丸仔說:「有份演出的郭富城、羅仲謙都要化好耐妝,所以我不敢抱怨,不過現在見到膠水就驚,臉部黐完膠水出晒皺紋,又起粒粒,日前去拮針做放血療程護膚,皮膚才轉好。」問她搵這麽多錢有無投資,丸仔直言只會買磚頭,睇過八字不適合買股票,難忘是97年股災損手蝕大本。

劇集《皆大歡喜》重播帶挈演員多工作,丸仔自言在內地發展,託賴有一定工作量,太多也應接不暇,對於同劇的鄧兆尊想復出,丸仔表示支持:「我有睇祥嫂在視頻說『大家不要話佢』,兆尊悶都想拍下戲,我撐他番出來,大家可以見下年輕版新馬仔。(兆尊說祥嫂更加能放能收?)兆尊謙啫,他都能放能收。每個演員我都期待跟他們合作。」

記者:鍾一虹