【睇倒食唔倒】一睇就知好食的烹飪節目


1200x630_foodprog

 

烹飪節目有好多種,不過唔係個個菜式都可以喺屋企自己煮到。每次在電視見到剛煮好的菜式就流晒口水,但都只是「有得睇冇得食」。以下哪一個烹飪節目你最喜歡呢?

 

《肥媽食平D》自己煮無難度

 

untitled-collage-1

上星期剛播完最後一集《肥媽教落食平D》,仔細數一下,原來肥媽食平啲系列已經去到第六輯。肥媽教煮的菜式範圍好廣,有各國菜式、平民菜與貴價料理、日常菜式到創意新菜,樣樣都有。最重要是節目主打「平」,用的材料都可以在街市買到,睇完無論是勞煩媽媽還是自己煮都一樣無難度。除了煮餸,其實肥媽同陸浩的嘻鬧場面都幾吸引好笑。

 

《美女廚房》食左先講

 

untitled-collage-2

 

「美女廚房,食咗先講。」這句口號大家一定聽過。美女廚房每集都請幾位美女上去做嘉賓煮餸大放笑彈,不過是否識煮就因人而異。煮得好的例如廚神蘇玉華,都會令觀眾好想一試她的手藝;不懂烹飪的美女亦有很多,好多時煮完都是未熟的,觀眾都睇到一額汗。

 

《方太美食廣場》今晚食乜餸

 

untitled-collage-4

 

講到教人煮餸就不得不提方太了,「今晚食乜餸?」這一句經典口號原來都是出自《方太美食廣場》的。70年代起,方太就開始主持電視節目教大家煮餸,雖然是一些家常菜,但平易近人的形象令她十分入屋。好多人睇完都會立刻想試煮一下,直到今時今日仲有人會問有無當年方太教煮的海鮮粉絲煲食譜。

 

《阿爺廚房》隱世烹飪高手

 

untitled-collage-3

 

鼎爺李家鼎功夫了得就人盡皆知,但誰也想不到他是烹飪好手,所以《阿爺廚房》一出街,立刻吸引不少觀眾。他教的菜式是傳統廣東菜,看似平常但很考功夫。平日粗獷的鼎爺原來很細心,煮餸的時候每一個細節都好用心處理,連正宗的切陳皮手勢都教給觀眾,難怪網民激讚他「夠晒貼地」。

 

圖片來源:互聯網

方太美食廣場煮餸美女廚房肥媽食平D阿爺廚房