阿Lam對阿Sam、小鳳對志偉 經典對談


  • 新藝城高手林立,《大顯神通》特刊網羅多篇獨家猛稿,可讀性極高。

  • 阿Sam偕新藝城「福祿壽」拜年,自言穿皮草能帶來安全感。

  • 志偉在《最佳拍檔》慶功宴當着原唱者面前高唱《無奈》,小鳳姐笑言他唱起來沒人同情,「有人話我唱《無奈》好呀,一唱我條眉好似十一字咁呀!」志偉說。

  • 兩大隱世巨星碰頭,阿Lam問到所付出的代價,阿Sam說最懷念是跟樂隊一同表演的日子。

《最佳拍檔》贏到開巷,續集《最佳拍檔大顯神通》自然榮陞八三年賀歲擂台躉,為增強聲勢,新藝城推出「超值特刊」,貫徹「食腦」原則,請來林子祥專訪許冠傑,阿Sam直言最初對新藝城有戒心:「驚住俾人利用,主要係protect,但係留意佢哋工作,覺得佢哋好誠懇,對友情睇得好重;我自己細個好窮,住蘇屋邨,我鍾意大眾化嘅嘢,同新藝城一齊好relax!」阿Lam又抵死地問:「你好鍾意著fur㗎?」阿Sam直言:「我好怕凍,唯一fur最保暖,給我好安全感覺。」

在《最佳拍檔》慶功宴上,導演曾志偉當眾高歌一曲《無奈》,原唱者徐小鳳應邀前來「觀摩」,特刊內輯錄兩人的對話,志偉說選唱《無奈》,原來是阿Sam的主意,「而家去到邊度啲人叫我唱歌,梗係大聲叫《無奈》啦,所以而家公司貼晒大字報叫我做『無奈僧』,唔係曾志偉個『曾』。」小鳳姐轉數好快:「咁我係咩?『無奈尼(尼姑)』?」惹來哄堂大笑。

導演分紅超高的哲學 麥嘉解構新藝城精神(三)