邵仲衡暗示青雲撬牆腳劉美娟避忌﹕無留意,唔想講


  • 已為人母的劉美娟特來撐陶大宇,為他主持的節目任嘉賓。(攝影﹕梁迺楠)

  • 劉青雲(資料圖片)

  • 邵仲衡(資料圖片)

【明報專訊】陶大宇主持的有線節目《我愛煮食男》昨日錄影,請來劉美娟任嘉賓。對於主演《大時代》重播變熱話,「孝蟹」邵仲衡近日更暗示劉青雲當年曾撬他牆腳,力追其當時女友劉美娟。

陶大宇﹕唔使理,佢傻㗎

大宇笑道﹕「講呢啲事?唔使理,佢傻㗎,現在仍是那麼傻,他一向說話都好奔放、豪放,廿多年前,算啦!不用理!」可知青雲曾追美娟,大宇誤會指郭藹明﹕「應該拍完先追,當時我們感覺不到,青雲戲分好重,當時追女仔相信無今時今日那麼成功。」其後他澄清不知道青雲追劉美娟﹕「我不知人物關係,太耐,唔記得,只記得好玩。」

劉美娟指自己早睡,沒追看《大》劇重播,當年忙於拍劇亦沒時間收看。對於邵仲衡暗示當年跟她拍拖,劉青雲曾撬牆腳?已婚的劉美娟好避忌﹕「無特別留意,唔想講,今日來支持大宇,好開心劇集《壹號皇庭》班底叙舊,其他事不回應。」

記者﹕鍾一虹

攝影﹕梁迺楠