陳豪讚細仔好靚好抵惜


  • 陳豪自爆為逗愛子,除講故事外還要扮小丑和碌地沙。被身旁的君如取笑:「平時做小生,在家做小丑。」(攝影﹕鍾偉茵)

  • 陳豪指太太陳茵媺生兩胎都不算太辛苦,比預期舒服,又大讚細仔Nathan似他靚仔。

【明報專訊】陳豪、吳君如昨以星級爸媽身分出席親子閱讀樂活動,分享與小孩親子閱讀點滴。老婆陳茵媺(Aimee)剛誕下二子Nathan Lucas Chan,陳豪表示近日忙於湊仔﹕「攰就一定,好在有經驗,比第一胎舒服,同Aimee好享受呢刻。(囝囝似你?)多謝,囝囝好可愛,好抵惜,都是靚仔,哈哈哈。」他又指大仔陳梓樺(Aiden)當了哥哥仍「好乖豬」,經常想摸弟弟﹕「但怕他太大力,所以要隔開,兩兄弟差距不大,可以一齊成長,好開心。」

繼續追 目標10個之內

陳豪又指Aimee生產兩胎都不算太辛苦,比預期舒服。至於會否再繼續生?陳豪笑說﹕「無所謂,我們都好鍾意小朋友,目標是兩隻手之內,可以好多數字。」他表示早前拍完劇,現在全力陪家人享受家庭樂,請長輩為二子改中文名,待5月中再復工。

吳君如的囡囡快將9歲,她笑言跟囡囡講數多過講故事,平時為培育囡囡閱讀習慣,我返到屋企會扮睇書,等囡囡感受書香世代。」君如談到現階段的囡囡陳是知經常駁嘴,她有時也招架不住﹕「今日陳可辛先投訴,但知他口投訴個心好甜,有日兩父女在家睇戲,陳可辛考個女:『知不知呢個鏡頭點拍?』阿女就駁嘴:『這些當然用特技,你自己做導演都知啦!』」

吳君如爆囡囡經常駁嘴

君如笑言也曾撩過囡囡一齊拍戲﹕「她說怕醜不拍,我叫她記住自己這樣講過,不要14歲突然說入行,我會打她,自己都知這行辛苦,生得靚就話好,但不知她變成點,不過她寫作幾好,想培育她做編劇。」有報道君如推掉一部800萬片酬的電影?她說﹕「有傾新戲,但未講到錢,因要做反串男角,《12金鴨》做過,除非好劇本,不會為錢。」

記者﹕鍾一虹

■更多娛樂猛料 ﹕ol.mingpao.com