董培新:眼前現實


年紀大機器壞,身體毛病與日俱增,老花眼、飛蚊症、視網膜出現裂縫、眼壓增加、白內障逐漸形成,都是配眼鏡時得來的報告。驗眼師說:快點看醫生,看是否需要做手術。嘩,還要畫畫㗎,雙眼係重要娛樂和搵食工具,不可有任何閃失,冇眼睇真係好大件事,簡簡單單嘅日常生活也變得非常不便。這一驚非同小可,極速按視光師指示前往專科診所預約睇眼。

走進診所馬上感覺到香港步伐真的在與時並進,確是形勢逼人,上邊大地一切極速猛進,我們怎可以墨守成規,故步自封呢?來到櫃枱,接待小姐馬上登記了你的姓名、身份證號碼和介紹信就請你稍候。在候診室坐了十分鐘已有人叫你進房去,一步一步的視力驗查和測試連續進行。工序完畢在候診室稍等,一下子就可以見醫生了。醫生看了報告,問了一些問題立即進行放瞳程序。醫生說:白內障變厚,應該做手術,驗查程序完結,可以去櫃枱結帳和安排手術事項。接待小姐很快就做好交收工作,同時報了做白內障手術的價:一隻眼手術費一萬八千,兩隻眼三萬六千。噢,第二隻都冇折扣,明碼實價,童叟無欺。

步入晚年階段,就會逐步回饋社會,早幾年已向牙醫回饋,拔牙、植牙、杜牙根,以血肉之軀,用打落牙齒和血吞的精神為一口食物而抗爭。這場仗漫長而痛苦,資源虛耗甚大,最要命是嗰頭搞掂,嗰頭又發作,一口牙齒三十幾隻,才搞掂三隻,又有幾隻作反。俗語話:牙齒當金使,今時今日一両金種唔到一隻牙呀!

董培新眼前現實