袁偉豪親自回應新「股」上市: 「大電視睇係震撼啲!」


於無綫劇《使徒行者2》中幾乎集集露肉騷肌的袁偉豪引起不少觀眾注意,昨日播出的最新一集露得更激,大晒半個「八月十五」益街坊,袁偉豪受訪笑言是為了應一應中秋佳節!
劇情講到傷風在家休息的袁偉豪(飾徐天堂)半裸迎接上門收數的黃翠如(飾鄭淑梅),突然幾名殺手撞門而入開打,袁偉豪在打鬥期間就被其中一名殺手扯低底褲,露出股罅,嚇呆同場的黃翠如。袁偉豪受訪淡定表示露股「冇咩特別」:「喺大電視睇係震撼啲嘅!不過有啲同學睇完問點解可以出得街?我覺得呢個情況唔係好嚴重,都係『半月』啫!我都講笑當迎月,中秋佳節!徐天堂又有新『股』上市。」

影片來源:my TV SUPER(www.mytvsuper.com)

袁偉豪騷肌使徒行者2