【瀅蜜玥搏到盡】陳瀅 劉佩玥冰天雪地影靚相:飲可樂唔使加冰


2018-04-04_133944

為影靚相呃Like,你可以去到幾盡?無綫小花陳瀅(Jeannie )同劉佩玥(Moon)最近就帶埋好多靚衫飛去冰天雪地嘅俄羅斯拍《3日2夜》,仲勇到喺雪地上面着低胸裝露「事業線」影相,呢張靚相成功呃到網民二萬幾個Like,真係愛靚唔愛命嘅最佳示範!

untitled-collage-15

睇番啲相十居其九都係白茫茫一片,就算冇親身去到現場都感受到當地有幾凍。阿Moon都留言話喺呢度飲可樂絕對唔使落冰,因為將罐可樂直接擺喺雪入面一陣就直接飲得,而佢哋兩個好似無視咗雪地嘅低溫,照樣整頭化妝,着住套性感洋裝,喺雪地上面展露好享受嘅笑容,唯美靚相影完一張又一張,仲好識做咁擺上網同各位粉絲分享。睇完呢幾張靚相,筆者不得不向每位愛靚唔愛命嘅女士寫個服字,因為佢哋有得靚就完全唔會怕凍!

untitled-collage-18

兩位女神當年拍攝無綫劇集《四個女仔三個Bar》因而認識,私底下感情相當要好。今次拍《3日2夜》日對夜對,仲升埋Level做「瀅蜜玥」,可見姊妹情確實增進唔少,阿Moon亦喺社交網留言分享拍攝感受:「一些屬於我們的小事:) 不用加冰的可樂,第一天看的日落,沒眼耳口鼻的俄國娃娃,她為我煮的羅宋湯,和雪橇狗狗共渡(度)的一天,老婆和夕陽,好靚但用不著(着)買的手信,安朵拉喜歡的貓,我們的安樂蝸,每次下車也看見的雪。感恩!」「風雪同路。感謝妳在我的生命裏陪我吵、陪我鬧、陪我哭、陪我笑,手牽手的繼續向前行,融化淚,分享美,緊握夢,抱著愛。」

untitled-collage-17

圖片來源:陳瀅、劉佩玥@Instagram

陳瀅劉佩玥JeannieMoonTVB無綫小花瀅蜜玥俄羅斯四個女仔三個Bar