【連周杰倫都Share】網絡紅人惡搞大媽版〈等你下課〉


台灣天王周杰倫每次出新歌都有唔少人翻唱同改編,估唔到最近有網絡紅人將〈等你下課〉呢首青澀情歌二次創作成大媽版,仲鼓勵網民分享呢首歌俾各位大媽聽添,而最令人喜出望外嘅係連原唱周杰倫睇完之後都有開心Share呢!

延伸閱讀:【中國新歌聲】素人改編周杰倫《不能說的秘密》勁有爆發力!

延伸閱讀:【毫無違和感】好可愛! 迷你兵團「翻唱」周杰倫《牛仔很忙》

untitled-collage

網紅308樂團將〈等你下課〉改編成七、八十年代的大媽風格,不但只配樂用上懷舊風,連MV都跟足舊時嘅低清製作。從片段可見,畫面同歌詞內容冇直接關係,主要都係影下風景,鯉魚等等,再加埋老套到世界盡頭嘅挨石唱歌,剩睇畫面陣大媽味都出晒嚟。而佢哋亦係段片上面寫:「媽媽問:周杰倫為什麼那麼久都沒出新歌了,續〈菊花台〉就沒聽見有新歌了。以表孝順,我們就做了這〈等你下課1974〉版本大家可以分享給自己的媽媽,外婆,表姨,愛唱歌的姨丈,隔壁家老王,你辦公室樓下的收銀員小姐,周杰倫等等…分享此影片,與對方必增加友好度 +50。」

untitled-collage-2

原唱周杰倫睇完呢段片之後,都忍唔住手幫佢哋Share,仲留言話:「看你這麼孝順,就幫你轉發一下。」而網民睇見偶像分享呢段片,仲提議話不如搵費玉清翻唱添。

周杰倫〈等你下課〉

延伸閱讀:【尾場超驚喜】華仔久休再上紅館 同周杰倫合唱〈浪子心聲〉

延伸閱讀:【逝去的青春】周杰倫首張專輯面世17周年

圖片來源:互聯網

影片來源:Săam Sŭun Pèet – 308樂團@Facebook

周杰倫308樂團等你下課惡搞二次創作