【想做旅遊大使?】Supper Moment《橙海》5分鐘帶你遊香港


本地樂隊Supper Moment 上月推出第七張大碟《dal segno》,而新歌《橙海》MV終於在日前正式發布。一向熱愛香港的Supper Moment四子,今次決定借歌曲MV同各位歌迷穿梭香港大街小巷,感受香港本土情,而網民睇完MV就力推香港旅遊發展局(旅發局)直接用呢條片宣傳香港,仲提議四子考慮吓自薦做下任香港旅遊大使添!

【有你有我】Supper Moment 11月開紅館騷 粉絲最想實名購票

Supper Moment拍呢段MV係希望生活繁忙嘅香港人可多留意身邊發生的美好事,不要被工作活埋,「世界萬物的存在都有其意義,每樣東西都能夠連結彼此。 忙碌如你我的都市人,每天除了忙著自己茶杯裡的煩惱,可有用心察看周遭美好的事物? 抬頭望,用心看,就會發現世界多美,人多渺小。 這次 MV 很高興能跟拍攝《Hong Kong Strong》的美籍攝影師Brandon Li 合作, 在他的鏡頭下,希望你會看到一個不一樣的美麗香港。」

2018-05-17_155944

睇番條片,Supper Moment喺短短5分鐘真係帶大家去咗香港好多地方,當中包括:淺水灣、珍寶海鮮舫、天星小輪、中環超長扶手電梯、青馬大橋、天壇大佛、海山樓、西環缷貨區、玉桂山、大球場、西貢大灘村、銅鑼灣和旺角街頭等等,真係幾乎去晒香港十八區咁濟。而去到MV後段,當然唔少得世界馳名嘅維港夜景啦!最後,熱愛香港的你我,又去過MV入面幾多個地方呢?

【不成文規定!?】本地Band要出名 起碼捱10年

圖片來源:互聯網

影片來源:Supper Moment@YouTube

Supper Moment橙海