【阿爸阿媽各有一頭家】陳曉東開枝散葉大家庭


untitled-collage-21

陳曉東全家合照

陳曉東去大陸發展十幾年,在古裝劇《蘭陵王》中演深情霸氣的周武王宇文邕,爆紅後依家已經成為男神,回歸樂壇搞世界巡迴演唱會,七月在台灣開唱,近期頻頻上節目谷飛,主打歌《女人都差不多》冧死不少粉絲,東東好識做,講到女人,將老婆、囡囡擺埋一邊,搬阿媽出來話人生導師係阿媽,平時面對各種困惑都同阿媽分享,咁識做迷倒不少台灣媽咪級粉絲,個個人都幻想自己個仔好似東東咁孝順。

陳曉東新歌《女人都差不多》挑戰R&B曲風

untitled-collage-20

東東一家人浩浩蕩蕩去杜拜旅行

東東爸爸、媽媽喺佢十三歲時離婚,陳曉東話爸爸、媽媽離婚是好事,因為兩人由朝嘈到晚,當時已經心諗咁樣嗌交法不如分開好過,東東又冇諗錯,兩人分開後真係過得好好,阿爸、阿媽離婚後各自搵到自己的理想伴侶,各自有一頭家,兩人不單沒有反目成仇,反而因為囝囝和睦共處,大家仲約埋一齊去旅行,東東就試過搵埋爸爸、繼母,同父異母的弟弟,仲有媽媽加繼父、同母異父的妹妹帶埋阿公,一家人浩浩蕩蕩去杜拜旅行,真係夠晒熱鬧又開心!

untitled-collage-18

東東太太王妤嫻是台灣人,為他生了一對寶貝囡囡朵朵、多多,好不溫馨

東東對台灣特別有感情,皆因媽咪是台灣客家人,陳太王妤嫻都是台灣人,婚前做護士,依家生咗兩個囡囡朵朵、多多,專心做家庭主婦照顧老公和阿女,東東為咗太太已經在台灣置業安家,仲申請埋台灣居留證,半個台灣仔做埋台灣女婿,台灣人好like呢個男神!

untitled-collage-19

東東媽咪是台灣客家人

 

圖片來源:陳曉東@微博

大家庭女人都差不多王妤嫻蘭陵王開枝散葉陳曉東