【醜帥暖男】餵飽楊丞琳的男人


untitled-collage-20

壽星女楊丞琳今年同屋企人一齊慶祝生日

壽星女楊丞琳六月四日生日當天PO文透露與家人一齊慶祝生日,表示沒有生日願望要許,因為依家已經好幸福、好滿足,並附上與家人、朋友食飯的照片,擺滿一張枱的美食照特別註明,由母親做二廚,事前買好所有材料兼洗乾淨、切好,然後大廚煮到滿頭大汗,炒菜炒得好辛苦,不過呢個生日大餐至親好友都食得好開心!

untitled-collage-21

楊丞琳嘅生日大餐超豐富

楊丞琳平時最鍾意食媽咪煮的餸,生日阿媽竟然降級做二廚,邊個係大廚呢?就是刻意避開鏡頭的男朋友李榮浩,未來女婿好體貼,每年女友生日,佢都專程飛到台灣,親自為女友的至親好友下廚,兩人拍拖三年,李榮浩已經做咗三年「生日大廚」,每年六月四日搭正午夜十二點,都在微博祝女友生日快樂,今年更浪漫,「祝我家少女生日快樂!」三十四依然是男友眼中的少女,難怪楊丞琳話好幸福兼好滿足。

【一日一經典】可愛教主楊丞琳 偶像劇歌曲逐隻數

untitled-collage-22壽星女楊丞琳表示今年沒有生日願望要許

李榮浩在大陸被譽為年輕一代最有才華的音樂人,雖然眼仔細細唔靚仔,不過佢對女友的體貼兼細心,已經成為暖男指標,雖然佢比女友細兩歲,但楊丞琳話男友非常成熟,好識照顧佢,更經常煮飯俾佢食,會特別研究啱佢口味的菜式,每次都令佢食得好滿足,所以佢不單是幸福的女人,更是有口福的女人。

untitled-collage-23

李榮浩在內地被譽為年輕一代最有才華的音樂人

楊丞琳十五歲出道,之前的男朋友都是靚仔型,包括小鬼黃鴻升賀軍翔邱澤、元駿豪、王陽明,最終卻是憑才華俘虜「少女心」的李榮浩,有才華兼細心又體貼,楊丞琳一早表示遇到「對的人」,雖然結婚還有一段距離,不過這段異地戀早已得到粉絲祝福,大家都希望兩人可以開花結果。

【等咗十年】楊丞琳 陳柏宇首次現場合唱《理智與感情

部分圖片來源:楊丞琳@微博

楊丞琳生日李榮浩