家傳珠寶送新抱 家燕姐喜極而泣


%e5%b7%a6%e8%b5%b7%ef%bc%9a%e5%a4%96%e7%88%b6%e3%80%81%e6%96%b0%e5%a8%98%e3%80%81%e6%96%b0%e9%83%8e%e3%80%81%e5%a5%b6%e5%a5%b6

石耀庭跟Zoe簽紙,由岳父及家燕姐見證這一刻。

 

家燕姐為囝囝石耀庭舉辦兩場盛大婚宴,今晚是第一場,在洲際酒店筵開五十三席,現場以白色及粉紅色玫瑰佈置,營造園林效果,約五點左右,新奶奶家燕姐與一對新人與傳媒見面,家燕姐一襲金紅色晚禮服,盡顯貴氣。

whatsapp-image-2018-06-11-at-18-18-45

談到娶到好新抱,見到囝囝找到幸福,家燕姐禁不住流下開心的眼淚。

家燕姐笑到四萬咁口,佢講:「難得做奶奶,當然靚吓,今日敬茶都用金杯,好多謝金舖送咗金杯同金碗,大家都話第一次見奶奶用金杯飲茶。」家燕姐身上戴了翡翠首飾,價值不菲?「做奶奶好開心,所以無留意數字,最重要靚,今日全日會換五套衫。」據知,過大禮時,家燕姐送咗家傳翡翠首飾畀新抱,有吊墜同耳環,是由家燕姐婆婆傳到這一代。
做奶奶,家燕姐話昨晚興奮到瞓唔着,「我心情好興奮,昨晚四、五點瞓,七點起牀,一早已經彈起身,囝囝結婚大喜日子,我期待好耐,今日早上接新娘後,敬茶時已感觸,終於等到呢一日,剛才做簽字儀式,聽到他們講誓言,我喜極而泣,親家同我一樣,見到仔女成長,結婚,每個父母感覺都一樣,仔仔好識揀,揀到又靚又知書識禮嘅老婆,大家都好感動,好多謝賓客趕來,總言之好開心,多謝大家出席,今晚七公主只能來五個 ,因為馮寶寶飛唔到返來,但都好感動!因為大家都睇住囝囝大,都想見證佢成家立室。」家燕姐話教仔仔要愛錫老婆,互相體諒,互相容忍,「其實新抱都好錫我仔仔,所以今日我好開心,都喊咗兩次!新抱係個可人兒,係囝囝嘅褔氣!」

米_untitled-collage-7米雪、夏春秋夫婦、楊怡等人也出席今次婚宴,賀家燕姐做奶奶。

 

蕭芳芳、陳寶珠、王愛明、馮素波同沈芝華一齊到場,寶珠姐話好開心,仲話今晚做姨媽,身旁馮素波就糾正:「係姨奶奶呀!」五位公主除了祝一對新人年生貴子、百年好合外,仲話睇住耀庭大,最大分別係「身型」!whatsapp-image-2018-06-11-at-19-41-24

阿姐說做禮最實際,所以她預備了禮金賀一對新人。

 

而汪明荃約七時半左右到場,問到家英哥為何未有相伴?佢話:「佢去左拉薩登台,我今日送禮金,比較實際,我好替家燕姐開心,知佢經歷唔簡單,單親媽咪,今次第一次辦喜事,我都祝福一對新人最重要尊重大家,愛錫大家!」

whatsapp-image-2018-06-11-at-19-57-10

佘詩曼也來賀家燕姐

 

whatsapp-image-2018-06-11-at-17-23-32

會場內用了白色及粉紅色玫瑰佈置,營造田園效果,更放滿結婚靚相,讓賓客欣賞。