蔡一傑扮薯仔甘做兵 蝦頭做女神左擁右抱


untitled-collage-1
蔡一傑推出個人專輯,第三首主打新歌《夜半超人》搵咗蝦頭(楊詩敏)做女主角,仲要佢扮sexy嘅女神,傑仔反而係薯仔look,甘願做女神嘅兵,任佢蹂躙。蝦頭就好開心,因為左一個靚仔右一個靚仔任佢摸。

蔡一傑為了這首MV,集導演、選角及歌手於一身,今次雖然是一首愛情歌,但會用一個誇張搞笑手法拍攝,即使有3P牀戲也充滿喜劇感,這首歌是講述一名薯仔死心塌地追求女神,可惜女神視他為水泡,每次用完即棄。傑仔表示,蝦頭是他心中第一女主角,MV中的蝦頭是百變女神,除了有3P牀戲,還安排了三位猛男任她抽水。

untitled-collage-3
蝦頭初時對於傑仔邀請有些疑問,「做女神呢個角色對我嚟講係有啲難度嘅,不過又難得有機會做女神,有幾個造型又可以sexy一下,我有啲鏡頭對住冇著衫嘅傑仔,又可以摸吓攬吓佢,有牀戲仲要3P添,不過呢個係合家歡MV!」傑仔則表示,他第一次見到蝦頭就被她的演技吸引了,他以前是不認識對方的,只是看過她演出的劇集,覺得她是好戲之人,是一個可以多面睇及多元化的演員,所以便促成了大家的合作機會。

untitled-collage-4
不過蝦頭就搞笑問傑仔心目中嘅女神係乜樣?「就係呢啲咁呀?我一定要多謝你搵我去拍咁特別嘅MV,因為今次有好多造型,同埋有國際級猛男俾我蹂躙,有外籍猛男圍繞住我,佢好大隻好茁壯,又有傑仔俾我愛錫,我私下都愛你㗎!」傑仔笑說:「其實我都有犧牲色相,平時大家見到我幾型呀!今次要扮一個薯仔,因為潘源良寫呢首歌有啲卡通化,所以最緊要好玩!」由於有鏡頭要傑仔半祼上身,他便特別去曬一身健康膚色拍攝!

untitled-collage-2

夜半超人蔡一傑蝦頭楊詩敏