佘詩曼做奸妃 突破自己


untitled-collage-2

佘詩曼自從離開無綫後,自己成立了工作室,實行自己工作自己管,不過佘迷就少了機會在公仔箱見到佢嘅演出,不過,唔使等到頸都長,阿佘有新嘢,今次仲有突破,挑戰大家嘅底線,遷離大好人行列,做個耍心計嘅奸女子。

今次阿佘在內地劇《延禧攻略》中,飾演嫻妃,雖然女主角是內地演員吳謹言,阿佘做女配,但角色的氣場就好大,單單在宣傳片中,阿佘一舉手一投足同一個眼神,都表現出內心那種狠毒,她說出台詞「欺負我的,虧欠我的,我一個都不會放過」、被吳謹言質疑殺了人,她一句「殺的是誰」,眼神戲味十足。阿佘第一次演奸妃,她說自己好期待,「古裝就演得多,但奸角係自己演戲生涯第一次,睇吓自己能否做到奸妃,挑戰吓觀眾嘅底線,睇吓大家會唔會討厭我。」

untitled-collage
《延禧攻略》係講乾隆時期後宮嘅爾虞我詐,而阿佘嘅嫻妃,亦即係「如懿」,冇錯,同周迅主演嘅《如懿傳》係異曲同工,不過兩齣電視劇嘅取向不同,阿佘嘅「如懿」係奸妃,得唔到皇上嘅寵幸而耍計,而周迅嘅「如懿」係好人,仲係皇帝嘅寵妃,所以話,編劇枝筆可以將角色變奸又得,變好又得,無論奸定好,最重要有劇味,好睇就得啦!

圖片來源:互聯網

佘詩曼延禧攻略嫻妃奸妃