【我想和你唱】非洲男挑戰JJ《那些你很冒險的夢》 國語超流利


我想和你唱》最新一集請來林俊杰同幾位粉絲對唱,當中最令人驚訝嘅係一名來自非洲剛果嘅黑人──蘇陽,佢用普通話對答自如,仲同主持人有講有笑。節目播出後,網友都紛紛讚「好聽點讚」﹑「情感真挚感人」﹑「唱歌有層次感」、「中文和歌聲都超級棒」,又有網民為蘇陽感到不值:「其實應該選蘇陽最後合唱」。

蘇陽話自己係一位26歲嘅學生,之前喺中國生活過兩年半時間,仲喺中南大學讀建築,所以中文講得特別好。另外佢仲係JJ嘅小粉絲,他說:「我覺得你的聲音很純淨,我特別喜歡,所以我想教給你非洲特別有名的舞蹈叫做《Gwara Gwara》」,林俊杰與主持人聽到就一齊讀非洲語「Gwara Gwara」,之後仲即場教林俊杰跳屈膝動作嘅Gwara Gwara舞,幾位嘉賓上台跟著音樂手舞足蹈,動作搞笑,台上有份一齊跳嘅嘉賓都笑言感覺似踢緊足球,林俊杰一聽到就狂熱足球迷上身咁,做出踢足球嘅動作添!


延伸閱讀:

【中國新歌聲】追夢素人《那些你很冒險的夢》獲周杰倫邀請演唱會上演唱


直到粉絲同林俊杰一齊演唱《修煉愛情》,蘇陽一開口,中文歌唱水平令大家都驚訝,估唔到佢唱中文歌都可以無違和感,高音、轉音都輕而易舉,仲要唱得好有感情,引來現場鼓掌歡呼!嘉賓亦大讚蘇陽嘅嗓音同樂感喺天賦,演唱令人感動,又表示:「支持赤道小哥哥」!而林俊杰都大讚蘇陽有天生嘅一個靈魂。之後,林俊杰同蘇陽二人合唱《那些你很冒險的夢》,林俊杰仲特登唱和音,讓蘇陽可以發揮歌喉。

 

圖片來源:互聯網

 

我想和你唱非洲男那些你很冒險的夢JJ林俊傑修煉愛情