【書展】袁偉豪出書硬撼性感寫真


bka_thumbnail_templates_c

一年容易又書展,今日書展正式開鑼喇,寫真集爭妍鬥麗係每年必定上演嘅環節,女藝人同模名正言順將最靚、性感一面出書呈現!不過寫真集今年唔再係女性嘅專利,事關今年有袁偉豪出書,硬撼性感寫真!
untitled-collage-2

今年適逢袁偉豪入行20周年,出書對佢黎講別具意義。佢自己同女友張寶兒都有喺IG同Facebook賣力宣傳,而袁偉豪更會喺21號(星期六)踩入書展,為自己作品舉行簽書會,又會快閃現身出版社攤位同粉絲零距離接觸,為銷量真係搏到盡!其實佢個人影集《Benontheroad》都落足本,之前就專程飛去印尼峇里取景拍攝,呢本書入面除咗有型人靚相,更圖文並茂咁表達自己喺人生旅途上嘅感受、想法同各種領悟,相當感性,實屬粉絲必買之作。

untitled-collage

講開又講,其實香港書展自2008年就開始有寫真集推出,當中最有火花一定係性感女神周秀娜、Angelababy、邦民女Kama三人鬥得最激烈,當年佢哋寫真集簽名會真係迫爆會場。演變到2015年,陸續開始出現袁嘉敏、孫慧雪、樂瞳等熟女寫真集,而最令人震驚嘅係連過50歲嘅美魔女羅霖同溫碧霞都齊齊出性感寫真大賣,證明性感寫真不論年齡都一直咁有市場!

最後,雖然袁偉豪今年非常強勢,但其實佢仍然面對唔少寫真強敵,例如劉佩玥、楊思琦、簡幗儀、Rose Ma、松岡李那、沙律等等,唔知今年邊位銷量最多呢?

untitled-collage-1

untitled-collage-3

圖片來源:互聯網、袁偉豪、劉佩玥、楊思琦、簡幗儀、Rose Ma、松岡李那、沙律@Instagram

書展袁偉豪劉佩玥楊思琦簡幗儀Rose Ma松岡李那沙律