【條腰瘀哂】彭懷安俾古天樂吊住嚟打


bka_thumbnail_templates_c2

彭懷安(Eddie)最近客串無綫劇集《天命》飾演和琳一角,被陳展鵬力讚夠哂奸,戲中佢俾人虐打,估唔到佢啱啱客串咗《掃毒2天地對決》又俾人打。

untitled-collage-2 untitled-collage-3

Eddie說:「劇情講我背叛左古仔(古天樂),所以俾佢吊起嚟打,因為我要赤祼上身冇衫著,冇得墊pad,其實古仔同攝影師都已經就住我,道具亦包了軟膠,但有啲位都要食吓力先逼真,拍完呢場戲古仔見我條腰紅哂,都慰問我有冇事,我敷完冰,返到屋企開始腫,第二朝就黑哂,其實都冇乜嘢,搽啲跌打酒就無事,都唔使睇醫生,今次件事令我覺得做藝人面對一些鏡頭也避無可避,所以一班特技人和武師是很值得我們致敬。」

 

Eddie今次雖然被打,但能夠與古仔演對手戲是很開心,他說:「古仔係我和我一家人的偶像,見到佢已經好開心,他問我係唔係做和琳嗰個,我估唔到佢咁忙都有睇電視劇,佢對人好好,好細心,見到我冇著鞋行嚟行去,會叫我著返對拖鞋先,話未得嚟辛苦過咩!希望有機會可以再跟他合作。」

部分圖片來源:互聯網

彭懷安古天樂天命和琳陳展鵬