【明明相似】《台灣新說唱》蕾菈神還原 GEM


999

近期熱播嘅《中國新說唱》引起咗一股嘻哈熱潮,連擅長模仿嘅搞笑網紅團體WACKYBOYS(反骨男孩),都專登上傳咗一條山寨版影片《台灣新說唱》,除左完全模仿原本節目中嘅情節同對白,仲搵咗同GEM撞樣嘅「小紫棋妹」蕾菈扮演「瞪只騎」同「鄧子騎」。蕾菈無論外貌造型、說話方式定聲音都極似GEM真人,唔少網友都驚呼:「根本就係鄧紫棋本尊!」

untitled-collage-4

蕾菈同GEM一樣,有著渾圓嘅臉型同澎潤嘅金魚嘴,短片中,蕾菈除咗穿著相似嘅白色寬鬆衛衣、辮仔髮型,連挺鼻、稜角分明嘅嘴唇都完美「複製」咗GEM,簡直係「神還原」。

untitled-collage-3

節目中,GEM教導選手Rap嘅時候應該點樣收放力道:「是妳表情用力的話,就不會聽出來緊,可是人家感受到『妳那邊是緊的』。」蕾菈將呢段模仿成惡搞版本,連說話語氣、腔調都有GEM嘅神魂,而且表情入肉,搞到網友都睇到爆笑!

untitled-collage-5

untitled-collage-6

其實蕾菈喺一位中東混血模特兒,工作以拍照為主,Facebook專頁仲成日上載火辣嘅性感照,因為近年好多人都話佢好似GEM,甚至連家人同身邊好友都咁講,難怪一班粉絲都稱呼佢為「小紫棋妹」啦!而蕾菈本人都很鍾意GEM,當初WACKYBOYS(反骨男孩)邀請佢一齊拍片,都估唔到反應竟然會咁熱烈!

untitled-collage-7

 

圖片來源:愛奇藝、蕾菈 @Instagram

GEM蕾菈明明相似中國新說唱台灣新說唱二次創作惡搞