【專業演員】譚俊彥拍《特技人》縫20針 堅持唔要替身


unnamed-1

譚俊彥繼主演《天命》後,接住就喺《特技人》擔正做主角。《特技人》內容講述特技人喺鏡頭背後工作嘅故事,而劇中飾演「巔峰特技隊」頭目嘅譚俊彥就會帶住一班手下拍攝各類型動作場面。除咗武打戲之外,仲有爆破、飛車等動作場面,相信畫面一定好震撼!

unnamed

譚俊彥接愛媒體訪問時透露,原來佢拍攝一場揸車衝落山嘅驚險場面時,曾經被玻璃割傷手掌,要入醫院縫廿幾針。當時其實有替身同特技人Standby,但佢仍然堅持親身演出,唔要替身。因為佢相信如果飾演特技人,無一場自己親身做特技,就唔稱得上係特技人啦,果然拍得夠晒投入!

#nopainnogain #stuntman

Shaun Tam(@tammerz)分享的貼文 於 張貼

譚俊彥拍攝嘅時候入哂戲,當架車碌緊落去,佢潛意識想泊定架車,於是將手擺喺啲玻璃度,點知成隻手掌被玻璃割傷流哂血。意外發生後,譚俊彥無即刻入院,反而應劇組要求,重新補拍多一次後至入院治療,最終傷口縫左20幾針。而譚俊彥並無因傷停工,第二日仲如常拍攝。

譚俊彥事後仲話:「只係傷手咁小事,又唔係骨折,縫咗針、食咗止痛藥,戴返個手套咪繼續開工囉!」難怪監製王偉仁都大讚佢做任何事都搏到盡!其實拍呢部劇造成大大小小嘅傷多到數唔哂,但譚俊彥都堅持自己親身拍攝,可以話搵命博,飛車鏡頭幾乎全部都親身上陣,係名乎其實嘅「特技人」,真係令人佩服!

unnamed-2

圖片來源:  my TV SUPER(www.mytvsuper.com)

譚俊彥特技人替身天命