【拍MV意外爆樽】黎瑞恩成頭玻璃碎


56ad3f21-b021-4b40-9034-c4f352394245

黎瑞恩剛推出HiFi碟《V TOUCH》,其中主打歌翻唱劉德華的《如果我有事》,她說:「其實翻唱咗八首歌,全部都是我很喜歡,公司揀了這首歌,是因為覺得我唱得最有感情,這首歌我每次聽和唱都很有感覺,尤其是第一次錄音嚇死哂我啲監製同埋錄音師,因為我唱唱吓自己喺度喊,佢哋唔知我做乜?大家唔敢出聲唔敢熄機,錄咗四、五次,因為齣戲《龍鳳鬥》,講個老公好愛個老婆,她想要什麼都會給她,希望她快樂,後來男主角有癌症,就將自己所有東西都給老婆,來逗她開心,歌詞寫得好好,令人感動,我唱每一隻歌都有畫面,好似有個MV喺個腦度,一唱就有畫面,可能不是部戲,係一啲生死之間,我覺得好感動。」

40103ae5-b9a2-4988-8005-847155c4a6ac
今日(8號)小恩子為這首歌拍攝MV發生意外,一個拍攝用的玻璃樽突然掉下,落在躺在地上的小恩子的頭旁邊,玻璃碎四濺,小恩子頭髮上全是玻璃碎,慶幸吉人自有天相,未有絲毫受傷,工作人員大讚小恩子夠鎮定,如果受驚亂動,可能會被玻璃𠝹傷,她說:「其實我唔係好清楚發生緊咩事,因為我瞓咗喺地,直情瞓着咗,突然聽到打爛玻璃的聲,原來爆咗玻璃,啲玻璃碎全部喺頭髮度,無入到塊面和眼,工作人員好驚,驚我𠝹到,我話我無事,叫大家不用擔心,仲話做乜咁靚咩,靚到個鏡頭都爆咗,原來唔係,佢哋想拍一些有水的倒影,夾在個玻璃樽在鏡頭前,可能太大力所以爆咗。」

5291b5d4-1594-4697-8c47-942141ecbc1c

小恩子都非常大膽,她說:「他們問我驚不驚𠝹到塊面,我覺得好多嘢整定,要𠝹到就會𠝹到,無啦啦個樽咁厚都爆,係無辦法,這是我的理念,好多人成日話驚坐飛機,驚呢樣驚嗰樣,冇得驚,要你交出嚟就要交出嚟。」

黎瑞恩V TOUCH劉德華如果我有事小恩子玻璃樽爆樽