【結束17年愛情長跑】55歲黃德斌求婚成功


bka_thumbnail_templates_c

現年55歲嘅黃德斌最近可以話雙喜臨門,除咗有份主演嘅電影《逆流大叔》賣座、備受好評,近日仲求婚成功,正式同39歲圈外女友黃美恩(Joyce)入紙註冊結婚!雖然佢地二人年齡相差16年,但拍拖拍足17年。甚少傳出緋聞的黃德斌曾公開表示,希望事業有成後迎娶女友過門,而佢離開無綫後發展都唔錯,到近日終於兌現承諾,拉埋天窗!

1

被問到求婚過程,黃德斌表示並無專登製造驚喜,無送花,但有送戒指求婚,不過隻求婚戒指喺兩個人一齊買,仲笑言:「可能佢匿埋喊」。黃德斌仲話會喺香港簽紙,婚事會一切從簡:「唔會擺酒同度蜜月啦,只會同屋企人食餐飯,唔駛擇日,簡簡單單,低調處理」。至於生小朋友,德斌就直言養育小朋友好大責任,所以暫時未有計劃。

7

其實黃德斌同Joyce拍拖呢17年來,恩愛到好似「老夫老妻」咁。黃德斌喺演藝圈捱咗咁多年,由臨時演員演到男主角,可惜有名無利,事業低迷嘅時候,幸有Joyce不離不棄,一直默默支持。而黃德斌都好疼惜女友,幾年前更不惜打本出資十幾萬,俾Joyce喺尖沙嘴利時商場開設時裝店Flame,德斌唔洗開工嘅日子,除咗會幫女友睇舖,仲會落手落腳幫女友去長沙灣等批發商攞貨,兩人互相扶持,關係有如老夫妻。

圖片來源:互聯網、黃德斌@微博

黃德斌求婚結婚王老五黃美恩逆流大叔