【18萬Followers化零】鄭希怡IG被Hack 企硬拒交$400贖金


2

最近社交網站Instagram接連發生黑客入侵事件,不少圈中藝人都身受其害,日前就有兩位苦主中招,鄭希怡(Yumiko)和模特兒朱韻韻的Ig帳戶同「被消失」!

untitled-collage-1
Yumiko發文表示Ig帳戶「被Hack」,擁有部18萬IG 追縱者的Yumiko前日打算開IG,但發現多次輸入密碼都未能登入帳戶,隨後她搜尋自己帳戶名,發現裏面的資料全被清空,「第一個反應係冇晒啲相好慘,因為全部都係回憶,個戶口完全入唔到,叫朋友搵就見到個戶口冇晒嘢。之後再搵自己個名,發現全部post係零」2,000多個posts全部消失,當中有許多女兒梁浸浸的可愛照片和個人美照,如今IG未能復原嚇得她倒抽一口涼氣。

untitled-collage-2
幸好網站管理員迅速電郵查問她是否轉了電話資料,再經由指定連結才成功登入個人帳戶,可惜為時已晚,所有個人資料已黑客被更改,包括名字、密碼、個人簡介、發文及照片亦悉數被清洗,雖然最終「奪回」帳戶,卻未能重用原本的帳戶名字。惟她堅決不屈服,她寫道:「琴日開IG『很抱歉,無法登入』奇怪,密碼冇錯呀,再搜尋我帳戶名,全個IG被清空咗,冇晒所有post,倒抽一口涼氣,點解會咁?好彩IG好快send咗個email俾我,問我係咪轉咗電話資料,如果唔係,可以click條link入去。一登入,發現所有資料比人改晒,包括名,密碼,個人簡介,電話等⋯。現在帳戶攞返,但原本個名就用唔返。因為收到對方通知,如果要攞返,$50美金,唔該,我寧願改到個名萬里長城咁長,都唔會屈服嘅。點都好,大家都要小心自己帳號,網上高手如雲,防得就防⋯ 最後多謝Instagram 咁快手解決煩惱。

untitled-collage
至於模特兒朱韻韻的帳戶亦遇到同樣情況,她發現無法登入Ig後,即收到黑客的電郵通知:「我用Email問佢點先攞得番個帳戶,對方就話要畀600蚊美金(約4,700港元),仲指明用比特幣!我覺得有唔妥所以冇再覆佢,點知佢不斷轟炸,仲話如果唔畀錢就永遠Delete我個帳戶。」她表
示現已透過官方指定連結奪回帳戶,並指因事出突然而未有報警,但若有粉絲因此受騙,將會報警處理。

圖片來源:鄭希怡@Instagram

鄭希怡IGinstagramhack黑客followerYumiko