【阿Sa感觸落淚】Twins ×BOYZ合唱《死性不改》


untitled-collage-16

《BOYZ THE UNBOXING LIVE演唱會2018》嚟到下半場都冇冷場!間場就有條短片,由Steven惡搞Kenny一段女朋友視覺的廣告片,女朋友的角色改成Steven,鏡頭前Kenny輸出千watt勁電的冧人環節,對着鏡頭在牀上說:「醒啦!」,刷牙,幫佢整衫,拖住跑上摩天輪,去化妝店,對象全部變晒Steven, 粉絲笑聲不絕,更有掌聲,可見呢條片非常受歡迎。

untitled-collage-17

其後Kenny出場話喺後台換衫聽到恥笑聲,原來他不知道有呢件惡搞片段,Steven就話將他的女友視覺廣告片二次創作,自首當日在他家拍短片時,趁他出外買早餐時在他的家拍,Steven話未睇過唔緊要,明天會擺上YouTube。

untitled-collage-19

除了唱BOYZ的歌曲外,Kenny和Steven又唱了F4和Cookies的經典歌,不過令全場陷入瘋狂狀態就是《男兒當入樽》音樂響起Twins登場, 本身已企起身的歌迷一齊又唱又跳,氣氛推至高峯。Twins今晚來到當嘉賓非常開心,阿Sa說:「阿嬌在台下時說,Kenny像我,Steven則像她!」原來是說兩位出哂名嘅「英皇水人」,阿嬌和Steven出名大汗,BOYZ指一出道就跟住Twins周圍去,嬌即說:「唔好咁講!Kenny喺度呢最大!」Steven則說:「佢而家胸肌就真係大過哂我哋!」阿Sa就話唔好講胸肌,然後說:「收到BOYZ開演唱會的消息真係好開心,佢兩個真係一世的朋友。」她又提到《死性不改》其實是BOYZ的歌,只因為太好聽所以搶了來唱,Kenny說:「好彩你哋唱一唱,否則我哋連呢個song list都冇。」合唱《死性不改》時阿Sa戥好友開心,更感觸落淚,Kenny說她很眼淺。

untitled-collage-18

Kenny好友張敬軒點會唔嚟撐BOYZ場!

不過今日Steven更眼淺,兩度落淚,更因為過往的任性自責,感謝老闆楊受成一直沒有放棄他,一直給他拍戲的機會,他更露出左邊心口的BOYZ字樣紋身,他要一世記掛住,他曾傷害了BOYZ,傷害了Kenny,他的紋身也傷害了自己的身體 ,但他現在成長了。

boyz死性不改愛情當入樽又不是八十年代流星雨關智斌BOYZ THE UNBOXING LIVE演唱會2018Cookies心急人上f4KennyTwins