【泰鬼馬】靚仔影帝Sunny講古天樂「輪胎能」笑到趴低


whatsapp-image-2018-06-13-at-6-11-10-pm

Sunny自言好鍾意睇港產片,更認得出今屆金像獎出爐影帝古天樂。

去年泰片《出貓特攻隊》俘虜全港影迷,大破票房紀錄,仲令三位主角一夜爆紅,非常巴閉。今次,製作班底帶來另一話題作《大佬可以退貨嗎?》,演員班底更勁,雲集泰國影帝Sunny、泰國國民女神Yaya與韓國2PM成員Nichkhun,三位都係萬人迷自然矚目,而飾演「廢柴」大佬的Sunny就做代表,這兩天旋風式訪港做宣傳,一向出名鬼馬的他與本刊做訪問時,更鬼馬扮另一位港產影帝古天樂大講金句,仲忍唔住笑到趴低!

曾多次來港的Sunny對香港並不陌生,但今次是他首次來港宣傳電影,自言非常興奮。Sunny昨日先與導演維達也湯于容及女配角Ploymon出席首映,與大批影迷見面,遇見大批粉絲蜂擁上前合照亦有求必應,非常親民。今日受訪時,他自言為了這兩天的宣傳特地苦練廣東話,用廣東話打招呼已非常流利。沒想到他原來非常喜歡看港產片,更謂每次走在香港街道都會想起「古惑仔」電影系列,更認得今屆出爐金像影帝古天樂。適逢Sunny在戲中的職業是廣告人,打鐡趁熱,小編就讓他重演古天樂的經典廣告大講金句「輪胎能」,估唔到Sunny講得比廣東話流利,更實行玩盡佢自創動作扮駕駛,令全場忍唔住大笑,鬼馬表現同電影裡的如出一轍!

cc4a694a30e0e539fbf545a2f165fbb1

泰國版海報盡顯Sunny搞鬼一面!

《大佬可以退貨嗎?》講述Sunny飾演的「廢柴」哥哥無論學業定工作都比妹妹(Yaya 飾)差一大截,自尊受創的他唯一反擊方法就是令妹妹「嫁唔出」,嚇窒她的每個男友。咁啱妹妹今次遇上Nichkhun飾演的筍盤,哥哥誓要搞亂妹妹好事,兄妹大戰一觸即發!電影將於6月21日上映。

泰片出貓特攻隊大佬可以退貨嗎影帝古仔靚仔Sunny古惑仔古天樂金像影帝輪胎能