【貪玩爸爸】三個仔女輪流「炒車」 雷神掛住笑


基斯與老婆Elsa不時被影到帶三隻化骨龍出街玩

基斯與老婆Elsa育有三個仔女

基斯不時上載同三條化骨龍玩到癲的片段

基斯不時上載同三條化骨龍玩到癲的片段

「雷神」基斯漢斯禾夫(Chris Hemsworth)出名愛錫老婆仔女,不時在社交網站大曬同索老婆Elsa Pataky的恩愛合照,以及上載三個仔女的搞鬼生活片段。今早他上載一條三個仔女的「炒車」片,仲留言笑仔女好「同步」,吸引大批網民留言大讚搞笑!

基斯漢斯禾夫與Elsa結婚八年,育有三個仔女,包括六歲大女India與及一對四歲孖仔Sasha及Tristan。由於兩公婆熱愛戶外活動,三個小朋友都遺傳了他們的運動細胞,活潑好動。基斯就曾經喺節目分享過,當年兩歲的孖仔竟然可以好似「蜘蛛俠」徒手爬上雪櫃頂偷拿零食,大女亦被基斯笑指「硬淨」過同齡男孩子。

今日,基斯在社交網站分享一條短片,見到三個仔女戴住頭盔一齊玩腳踏車,點知領先的一個「掟彎」後率先跌低,後面兩個亦緊隨跌倒,不過在旁邊看顧孩子的基斯就好冷靜,未有即時跑過去扶起孩子,反而留言指三個仔女感情好到連「炒車」都同步進行,非常抵死。不少網民留言大讚基斯三個孩子好得意,又讚他們遺傳了父母的堅強性格,即使跌倒亦沒有大喊大哭,有網民更笑指自己與基斯一樣係貪玩父母,如果遇上同類情況,可能一樣會笑咗先。

圖片、影片來源:chrishemsworth@instagram、互聯網

雷神基斯漢斯禾夫顧家爸爸Chris HemsworthElsa Pataky