【幽默影后】茱莉亞羅拔絲造型被嘲 鬼馬回應被網民激讚


screen-shot-2018-09-12-at-6-56-45-pm

下月51歲生日的金像影后茱莉亞羅拔絲(Julia Roberts)在銀幕前行慣靚女路線,但私底下的她其實非常玩得。好像她在六月開通Instagram帳戶後,經常同網民交流,言談間不時開玩笑,甚至不介意自嘲,超親民行徑完全顛覆外界對荷李活巨星的「大牌」印象,更令她的帳戶追蹤人數在短短兩個多月內急升至五十二萬人。近日,茱姐就突擊回應一個嘲笑佢醜樣嘅Post,言論仲非常鬼馬,成功化解負評,被網民大讚高章!

茱姐開咗Ig後,經常分享靚相,仲唔介意曬自己包頭、食飯等生活片段。

茱姐開咗Ig後,經常上載靚相,仲唔介意曬自己包頭、食飯等生活片段。

julia

事件起源於有網民將茱姐的造型同歌羅馥比較

話說,上周末茱姐穿上一襲貼身黑色長裙出席多倫多影展,有網民就將她的造型與昔日荷李活女神鍾歌羅馥(Joan Crawford)比較,叫大家留言表達吓覺得哪位的造型更好睇。名為「anniemagic11」的網民就留言話歌羅馥靚十倍,仲笑茱姐的黑色指甲油非常核突。估唔到,這平平無奇的留言,竟然吸引茱姐的注意,親自回覆指:「其實係深藍色指甲油嚟㗎,上面仲有石榴石水晶做配搭。所以如果你喜歡,可以把留言裡的『核突黑色指甲油』改寫為『核突深藍色指甲油配石榴石水晶』。其實我都係路過隨便講吓,不要太在意哦。」茱姐的鬼馬回應迅即吸引大批網民加入留言,大讚她EQ及幽默感極好,輕輕幾句自嘲就化解批評,有網友更稱讚這是最出色最有創意的反擊。這種四両撥千斤的氣度確係厲害,各位明星藝人都不妨學吓嘢。

圖片來源:互聯網

歌羅馥Joan Crawford茱莉亞羅拔絲Julia Roberts社交網站