【幪面歌王後首同台】巫啟賢爆唔認得李克勤之謎


2017-09-06_181109

 

李克勤於內地歌唱比賽節目《蒙面歌王》中奪魁,令歌唱事業走進另一個高峰!昨晚演唱會,克勤邀請到《蒙面歌王》評審兼多年朋友的巫啟賢擔任嘉賓,他還大爆在節目中表示不認得克勤之謎!


2017-09-06_181148

巫啟賢戴著白色面具現身,克勤看到他便問:「你係邊個呀,我都唔認得你?」巫啟賢以國語回答:「蒙面歌王!」說罷便脫下面具,克勤即上前搭一搭對方的肩膊,並要求巫啟賢澄清「唔認得李克勤」是怎樣的一固事。巫啟賢笑說:「你化左灰我都認得你啦!但咁難得見到你,有乜理由踢爆你,要你走?起碼比你唱多2、3場,賺多啲人仔(人民幣)先。」克勤笑道:「係呀,舊年屋企去旅行、交書簿費都係靠你。」

 

2017-09-06_181421

 

巫啟賢打趣指華人歌壇之中,能唱到80歲的人不多,他心目中只有4個人,「呢四個人分別係張學友、陳奕迅、 巫啟賢……..」 未講完克勤已經搶白: 「咁點,第四個位,係咪要我同阿倫 (譚詠麟)爭? 」巫啟賢鬼馬道:「阿倫唱唔到80歲啦,因為佢年年25歲,所以最後一個可以唱到八十歲,一定係你,李克勤!」

 

2017-09-06_181221

 

克勤又提到跟巫啟賢相識多年,同台合唱卻是首次,繼而二人合唱了《心酸的情歌》。此外,昨晚圈中捧場客有黃心穎和家姐,JW。而克勤的太太盧淑儀繼續在場打氣。

巫啟賢幪面歌王李克勤演唱會