【有畫面嘅!?】石敢當莫有為靚聲合唱《降魔的》片尾曲



大台劇集《降魔的》雖然已經播完一段時間,但劇情同續集伏綫仍然成為網民討論熱話,而劇中常常播放的插曲更登上各大音樂平台的熱播排行榜。若要數到劇中最洗腦的一定少不了由石敢當(胡鴻鈞飾)主唱的〈遙不可及〉和〈到此一遊〉,事關每次有催淚劇情同生離死別都一定會播一兩句,牽動每位觀眾的情緒。

 

untitled-collage-5

 

唔知石敢當係咪知道觀眾掛住佢嘅歌聲,近日佢喺社交網上傳咗一段同莫有為(蔣志光飾)合唱嘅〈遙不可及〉,唔少網民聽完仲紛紛表示呢個acoustic 合唱版本特別好聽,仲建議胡生一定要參加《我是歌手》同《蒙面唱將猜猜猜》等更多人認識石敢當嘅歌手身分添。話說回來,呢個合唱版本一剛一柔真係配合得天衣無縫,Hubert嘅輕柔突顯出蔣志光唱歌出身硬橋硬馬嘅唱歌功架,亦令人聯想起佢之前再唱〈相逢何必曾相識〉驚為天人。

 

untitled-collage-10

 

untitled-collage-7

 

估唔到繼〈越難越愛〉同〈陪著你走〉,《降魔的》嘅插曲都變埋洗腦歌,每次一聽到前奏都起晒雞皮,就算冇追睇晒全套都會諗起小馬(馬國明飾)同親生父母相認、龍貓回魂同些粉互訴心聲同埋啤啤苦戀等等嘅情節。最後,劇集嘅成功唔單只令一眾演員爆紅,仲令到男歌手胡鴻鈞人氣急升,今年有機會競逐叱咤我最喜愛男歌手,實在是Win Win雙羸。

untitled-collage-9

圖片來源:互聯網

影片來源:胡鴻鈞@YouTube

降魔的石敢當胡鴻鈞莫有為蔣志光馬國明遙不可及到此一遊
上一篇 下一篇