【做唔到好人】鄭子誠起邪念 温情戲轉吹歪風?


無綫資深藝員鄭子誠一直演開奸人角色,所以觀眾一見到佢喺劇集出現就一定覺得佢有陰謀。而最近佢喺《平安谷之詭谷傳說》飾演西醫賈東陽一角竟然一反常態,十多集皆以慈父形象出場,有唔少觀眾表示睇唔慣佢呢一面,仲覺得相當有嫌疑。直至日前播出的一集,佢終於露出陰暗面,對穿上亡妻衣服的女兒賈淼淼(簡淑兒飾)起邪念,差點將慶祝女兒生日的溫情戲變成亂倫情節。

 

延伸閱讀:忠奸道鄭子誠──覺得自己做錯事

2018-02-07_130822

從片段可見,鄭子誠睇到簡淑兒脫下外衣便開始起色心,飲到醉醉哋嘅佢仲望到入晒神。當淼淼穿起亡妻衣服時,賈東陽不禁憶起以前亡妻嘅生活點滴。好彩北杏(沈卓盈飾)係呢個時間入到嚟,將水深火熱之中嘅淼淼拯救,而充滿醉意嘅鄭子誠亦將一直以嚟隱瞞嘅事講晒畀淼淼聽。傷心欲絕嘅淼淼掉下媽媽衣服一走了之,然後穿起東陽亡妻裙子嘅北杏就不幸成為咗佢洩慾對象,被當作是亡妻親熱一番。

延伸閱讀:【可憐天下父母心】蘇玉華為小璇作法 神婆呃神騙鬼嘅?

2018-02-07_130913

2018-02-07_130937

 

睇嚟刻板印象(stereotype )對演員影響好深,正如好多人認為周星馳一定係拍笑片,吳啟華一定係演專業人士角色等,而要將角色定型洗底就一定要下一番苦功,就好似陳國坤初期被定型為李小龍演員,就要去到上年《反黑》嘅精彩演繹先叫做洗到底。不過掉轉嚟諗,鄭子誠演奸人演得咁出色又咁深入民心,都係另一種成功呀!

延伸閱讀:【獨家專訪】陳國坤.浪子為愛定下來

延伸閱讀:【蘇玉華離巢作】《平安谷之詭谷傳說》4大看點

延伸閱讀:【少婦聯盟】《平安谷之詭谷傳說》最期待邊位女角演出?

圖片來源:互聯網

影片來源:my TV SUPER

www.mytvsuper.com

 

平安谷鄭子誠亂倫奸人
上一篇 下一篇