【原唱與翻唱】你最喜歡哪個版本〈新不了情〉?


講到經典慘情歌,一定有由萬芳原唱嘅〈新不了情〉份。唔少人都知道呢首歌自同名電影《新不了情》上畫後便大首歡迎,仲先後有唔少男女歌手翻唱過,而最近推出嘅翻唱版本就係由出名係唱得之人嘅本地女歌手泳兒唱出,呢首歌仲收錄係佢最新推出嘅大碟專輯入面添。

泳兒呢隻新專輯以香港電影金曲為主題,收錄歌曲都會經過改頭換面重新編曲,而製作班底則找來發燒碟教父劉賢德、音樂人陳永明,同埋日本發燒碟天后藤田惠美監製阿部哲也等人,製作可謂非常認真,絕不是馬虎了事。講番泳兒重新演繹嘅〈新不了情〉,聽起嚟比原版柔情,而哀傷感則相對減少,但仍散發出淡淡悽慘感覺,難免令人回想起自己而逝去的感情往事。

 

同樣係唱得之人嘅蔣志光係登台演出都有過〈新不了情〉,呢個改編版本充滿蔣老師個人風格,同時仲突顯出高超的唱歌技巧。如果佢同泳兒合同台唱,好大機會會繼〈遙不可及〉之後成為經典。

原唱萬芳永遠都係最經典,呢首歌本身以色士風為主旋律,屬於Jazz類型。唔少人七、八十後聽到呢首歌都可能記起當年有入場支持《新不了情》,同埋諗番當時袁詠儀仲係新人嘅清澀演出。

如果講到最經典嘅男歌手翻唱版本,就一定唔少得來自台灣嘅男歌手蕭敬騰。筆者相信對於不少九十後來說,他們第一次認識這首歌也可能是因為台灣的歌唱比賽節目,而當中最矚目的男參賽者就一定是每次都唱得聲嘶力竭嘅蕭生。

 

圖片來源:互聯網

影片來源:英皇娛樂,華納音樂,滾石唱片,RiverRockAE@YouTube

新不了情泳兒蔣志光萬芳蕭敬騰
上一篇 下一篇