【由細聽到大】過節梗係要聽賀年歌


「年又過年,共慶歡樂綿綿」一到農曆新年,除咗有一大堆應節嘅賀年食品之外,梗係唔少得應節嘅賀年歌。呢啲歌不但只係我哋由聽到大,佢最特別嘅地方就係不論七十後、八十後、九十後,抑或零零後都一定聽過,甚至唔知歌名都識得跟住一齊唱添,可謂完全冇代溝。

〈歡樂年年〉


講到最經典、最有代表性嘅賀年歌,〈歡樂年年〉就算唔係第一位,都係三甲之內。係新正頭個幾日,唔少商場食肆都會狂Loop呢首歌做Background Music,而且唔少天王級歌星都有翻唱過,當中包括哥哥張國榮同梅姐梅艷芳,汪阿姐同秋官嘅合唱版本。

〈祝福你〉


此歌原唱為甄妮,最為人熟悉的版本則是1994年的華納群星翻唱版本,群星包括劉德華、林子祥、葉倩文、何婉盈、曾航生、蔡立兒、張衛健、呂方、杜德偉、劉錫明、鍾鎮濤、太極等。睇番舊時呢個MV,真係覺得眾星保養得宜,杜德偉今日同當年一樣有型有款,而華仔就幾乎冇咩點變,如果今時今日要搵番原班人馬拍呢條片,唔洗講都知天文數字啦。

〈財神到〉


「財神到,財神到,好心得好報」〈財神到〉收錄喺歌神許冠傑第4張粵語大碟入面,當年係正農曆新年檔期推出,充滿節目氣氛嘅〈財神到〉自然大賣吧。

〈喜氣洋洋〉


小鳳姐代表作〈喜氣洋洋〉音樂一響起,就知道有喜慶事發生。呢首歌除咗係新年嗰陣會狂播之外,唔少新人都會係自己大日子播出,伴隨乳豬全體上碟。

影片來源:華納唱片、環球,CNY888@YouTube

祝福你財神到喜氣洋洋歡樂年年張國榮