【社會太現實!?】李佳芯整容有原因 全為改變人生


2018-02-23_135516

網民成日都話:「你的樣子如何,你的日子也必如何。」睇嚟喺《波士早晨》劇入面嘅Roxie(李佳芯飾)都被呢句說話洗咗腦,所以決定走去整容,希望透過擁有靚樣改變自己一生。

 

日前的劇情說到李佳芯同洪永城喺床上面親熱得太肉緊,李佳芯撞親個鼻,仲流唔少血添。自知自己個鼻非天然嘅李佳芯表現得非常慌張,送走咗嚟偷情嘅洪永城,就即刻打電話界韓國整容診所,第二日仲拉埋家姐陪佢去睇香港整容醫生。佢家姐見到呢個情況,忍唔住口問佢點解唔搵男朋友同佢一齊睇醫生,李佳芯都直言唔想畀男朋友知道佢整過容,擔心佢知道咗會因此嚇走。

2018-02-23_135548

原來劇入面嘅李佳芯下決心去整容,係因為佢有一段因醜陋樣貌被長洲鄰居歧視的過去,所以佢16歲就離開長洲出香港打工。點知出到去受到嘅歧視仲比長洲多,仲影響到佢事業發展同人際關係。直至佢整完容番香港,靚樣唔單只令佢受同事歡迎,事業亦變得順利,人生彷彿從此改變,所以佢自始就相信:「你的樣子如何,你的日子也必如何。」


2018-02-23_135602

其實外表唔係人生入面最重要的,人始終會變老,再靚嘅外貌都敵不過歲月摧殘,做人最重要的都是內心善良,因為內在美總比外在美耐看得多。

圖片來源:互聯網

影片來源:my TV SUPER

www. mytvsuper.com

李佳芯整容波士早晨
上一篇 下一篇