【FF實現】貼地女神 香香落果欄教書


2018-03-06_122346

《果欄中的江湖大嫂》緊接超級網劇《無間道》播出,日前播出第一集便有萬眾期待的香香以老師Look 出場。作為貼地女神嘅香香公主,今次為演老師唔單只戴上眼鏡,衣著打扮仲非常斯文,十足十一個啱啱畢業出嚟做老師嘅少女一樣,有唔少網民睇完香香呢個造型仲話實現咗佢哋多年嚟嘅幻想。

2018-03-06_122242

從片段可見,香香喺《果欄中的江湖大嫂》飾演一位對教學充滿熱誠的老師,而佢為咗班學生學到更貼身嘅教學內容,決定拎住支旗仔帶佢哋離開課室到果欄進行實地教學。點知世界不似預期,香香去到先發現而家嘅果欄同佢以往認知已經變得好唔同,呢個地方嘅人唔單只冇咩公德心會亂扔垃圾,仲會鬧交、打架,甚至掛住開枱賭錢唔做實事。香香見到咁嘅情況,都好難同各位學生解釋,唯有急急腳知難而退啦。

2018-03-06_122218

其實今時今日要做一位好老師絕對唔容易,唔單只學生多問題問,仲要教育下一代正確價值觀、人生道理,同埋要用生動有趣嘅教學方法為學生帶嚟知識。正如香香今次帶學生落實地教學,現實生活中亦常常出現,除咗事前準備要做到足,臨急應變亦唔可以忽視,因為「世界真的不似我們預期」。
2018-03-06_122300

圖片來源:互聯網

影片來源:myTV SUPER

www.mytvsuper.com

香香實地教學岑麗香果欄中的江湖大嫂老師香香公主