【有段故】徐小鳳〈城市足印〉本身唔係為《流氓大亨》而寫!?


深夜重播中的《流氓大亨》下周便會播出大結局(3月22日),唔少年輕網民睇完都驚嘆當年電視劇追看性強得如追龍一樣。當中萬梓良真打吳啟華,同埋劉嘉玲目睹舊情人結婚的心酸畫面都已經成為劇集經典橋段。要作為一套成功嘅電視劇除咗劇本同演員出色,劇集主題曲同插曲都身居要職。當年唔少劇集仲會度身訂製一首專屬主題曲,但估唔到〈城市足印〉成為《流氓大亨》主題曲只係一個偶然機會。

〈城市足印〉(主題曲)和〈婚紗背後〉(插曲)都是由當時大紅大紫的小鳳姐主唱。話說小鳳姐當年就快同康藝成音滿約,做完85年個人演唱會後,就密鑼緊鼓準備投向寶麗金懷抱,仲開始秘密籌備轉公司後的頭炮專輯《每一步》。點估得到,無綫電視呢個時候會想搵佢唱《流氓大亨》主題曲。

 

呢一次合作真係飛機撞紙鳶,原來小鳳姐當年啱啱錄完成隻《每一步》大碟,要再錄一首新歌實在不是易事。於是小鳳姐就建議無綫先同佢簡介《流氓大亨》故事大綱,再由《每一步》大碟中挑選合適的歌用。最後,小鳳姐就揀咗〈城市足印〉同埋〈婚紗背後〉作為劇集主題曲、插曲,而〈婚紗背後〉嘅歌詞更為編劇帶嚟創作靈感,創作咗同歌詞夾到絕,劉嘉玲目睹舊情人萬梓良偕鄭裕玲結婚的心酸畫面。

tvb20180221_003_1024

圖片來源:互聯網

影片來源:myTV SUPER

www.mytvsuper.com

徐小鳳城市足印流氓大亨婚紗背後劉嘉玲萬梓良吳啟華鄭裕玲