【VR驅魔人】劉小華演自責小孩超有戲:我沒有生你們的氣


2018-04-11_140834毛記電視童星劉小華(原名為劉皓嵐)成日以活潑開朗嘅形象示人,為觀眾帶嚟歡笑聲,令人感覺充滿正能量。近日,佢有份演出《VR驅魔人》嘅集數終於播出,佢仲喺《港爸港媽》單元入面一洗形象,飾演陳國邦、羅敏莊的獨生子Jackson。呢個單元劉小華除咗有跳跳紥戲分,仲有情感爆發嘅煽情演出,唔少觀眾睇完都表示好心悒,仲覺得劉小華嘅演技唔錯添。

延伸閱讀:劉小華不知誰是劉華

 

2018-04-11_141007

從片段可見,劉小華同以往演出形象折然不同,佢唔單只聲淚俱下,每一句對白聽起上嚟都有血有肉,特別係以靈體現身同父母對戲一幕,當中Jackson一句:「爸爸、媽媽,我冇嬲過你哋」最為感動人心。另一方面,飾演爸媽的陳國邦同羅敏莊亦絕對交足戲,每一滴眼淚都是令人感到心痛的,作為家長睇到呢一幕應該都會反省有冇將自己小朋友逼得太緊,以免釀成大錯。

2018-04-11_140942

延伸閱讀:【VR驅魔人】陳國邦 羅敏莊首次幕前做夫妻 激動到潑水?

最後,怪獸家長嘅問題唔係今日至有,筆者都明白呢一班人係一心想為咗自己下一代好,希望佢哋將來嘅路可以行得順暢啲,但你哋又有冇諗過咩先係佢哋真心想要嘅呢?其實小朋友想要的很簡單,就係一個開心快樂的童年同埋家長的陪伴,而絕對唔係〈補充練習無間做〉。

延伸閱讀:【王貽興碌爆人情卡】葛民輝性感登場!?《VR驅魔人》卡士超強

延伸閱讀:【岑傲明視評】《VR驅魔人》謎之才子歸來

延伸閱讀:【獨家專訪】毛記$24,000起家 「偽員」點睇「腦細」

圖片授權:ViuTV

影片授權:ViuTV

100毛劉小華VR驅魔人陳國邦怪獸家長自殺劉皓嵐毛記電視
上一篇 下一篇