【渣渣輝有對手】蔡少芬港普式嘻哈 自己睇完都笑


講到神級港式普通話,古天樂張家輝都係佼佼者,但最近佢哋終於有對手出現!事關香港女藝人蔡少芬(Ada)喺內地劇集《海上嫁女記》表演邊開車邊嘻哈,配音版仲夾埋強勁音樂節奏播出,唔少網民睇完都大叫一聲爽。同一時間,佢哋都好好奇蔡涼涼嘅原聲版本係點,而官方亦好識做,順應要求公開拍攝花絮,上傳原聲版本同大家開心Share。

延伸閱讀:【一日一經典】古天樂用普通話唱《藍色的緣份》

從片段可見,蔡少芬原聲版本同配音版本一樣手舞足蹈,表情十足,聽落節奏感都有番咁上下。咬字方面,作為香港人基本上都聽得明,但內地網民唔睇字幕就未必明得晒喇。自片段播出後,Ada亦喺社交網回應:「我真的要為自己說幾句話!本人是突然有這rap詞,立馬要背演了來的!我的普通話很好啊!為什麼為什麼為什麼要這樣對我。」其後Ada接受內地傳媒訪問時,她表示自己睇完段片都忍唔住大笑,「我自己看也笑不停,我家人看了也在笑,問我在說什麼?我覺得自己很白癡。劇本裏寫rap那段戲,沒有寫對白,然後導演rap一次後,我說你rap些什麼呀?經自己再理解去說,並做一些動作加上去。」

延伸閱讀:【獨家專訪】「多仔婆」蔡少芬宣布停產 與女兒爭風呷醋

2018-04-19_131221

其實蔡少芬係香港土生土長,要說得一口流利普通話確實不易。或者這種港式普通話說不上標準,但至少做到你明我明,而家仲有埋爆笑效果,絕對值得一讚啊!

延伸閱讀:【蔡少芬細囡4歲生日】黎姿、朱茵、洪欣、陳法蓉齊撐場!

延伸閱讀:【與老公張晉浪漫遊澳洲】蔡少芬︰感恩有你在旁!

圖片來源:互聯網

影片來源:安徽衛視,貪玩傳世

蔡少芬渣渣輝蔡涼涼普通話古天樂張家輝海上嫁女記嘻哈rap