田蕊妮笑坤哥持久力不足


2
重返樂壇做歌手出碟的田蕊妮,除了與吳業坤同屬一間唱片公司之外,原來二人都係去同一間Gym做運動,仲跟同一位健身教練,上星期阿田去做Gym就見到坤哥,重向佢挑機,阿田把挑機片段擺上社交平台,雖然跳繩無乜特別,但就大字標題寫對方持久力不足!她說:「因為大家都會Gym撞到,我成日都挑佢機,有時打吓拳,因為佢都幾削,所以我就用呢個方法激勵佢,都係玩吓!

1

當日我在另一邊做Gym,而佢正好跳繩,所以我就走去一齊跳。」問到做乜笑佢持久力不足,她說:「係囉,成日剩係掛住望住我,我實在太吸引了,無辦法!」

影片來源:田蕊妮@Facebook

田蕊妮坤哥吳業坤