共舞令家燕姐入急症室 張智霖:有童年陰影


3

薛家燕將於12月舉行的《薛家燕愛你無限60年》演唱會,張智霖(Chilam)、謝天華 日前與家燕姐進行綵排。張智霖與家燕姐早年因合作拍《十月初五的月光》結緣,家燕姐開騷,Chilam當然力撐!除了大展歌喉,Chilam還練習「十字步」以備不時之需:「我已經拉定筋㗎啦,隨時準備好!不過我同家燕姐唱歌就好夾,但跳舞就真係唔多夾,記得上一次同佢拍劇個陣,因為跳一小段舞,搞到佢整親要入醫院,呢個成為我童年陰影。」

2

家燕姐笑指當年全靠Chilam的急才,才可迅速出院:「個時跳舞整親要去急症室,點知等好耐都冇醫生睇我,Chilam冇啦啦攞份馬經入嚟問我買邊隻,我心諗依家咪搞我啦!原來佢就係想分散我注意力,靜靜雞急Call跌打師傅嚟,然後佢對護士話跌打師傅係我亞叔,當時我仲一頭霧水,唔知邊個阿叔嚟探病,跌打師傅幾下手勢就搞掂,原來係我軟骨移位,我仲可以急急腳出院。」

1

而謝天華則大讚家燕姐收身有成效:「因為我哋一見面都攬攬,好明顯都瘦咗,為觀眾做到最好狀態係值得的。家燕姐怕瘦咗著褲鬆走光,說叫造型師幫佢改晒像筋褲頭啦,一定包冇事!」問到天華是否仍然一日只可抱家燕姐一次?天華笑說:「我嘗試緊一日抱佢兩次,因為我自己都做緊健身,加上之後都要綵排,所以希望做到兩次啦!」

4

家燕姐張智霖薛家燕謝天華十字步