【專訪】74歲黃樹棠腸癌康復


黃樹棠今年七十四歲,精神奕奕一啲都唔似長者,行得走得仲好打得,香港、大陸、澳門都有人搵佢拍戲,去年底黃樹棠發現患了大腸癌,醫生幫佢分段切走十厘米有癌細胞的腸,「我冇事啦!做完手術第二日即刻去元朗開工,因為當時拍緊網劇《反黑》,導演好好安排我拍行行企企的文戲,唔使我咁辛苦,之後自己做番游水、行路的運動,將個身體慢慢搞番好,依家已經冇事啦!」

棠叔去年底做完大腸癌手術,依家已經恢復健康。

棠叔去年底做完大腸癌手術,依家已經恢復健康。

黃樹棠搞番好個身體,行得走得俾人話佢經常去深圳「搵女」,有不同的囡囡陪玩、陪食,棠叔由得人講都費事澄清,「你知啦!娛樂圈任何事都有人講,澄清都冇用,你依家問起我先講,內地妹妹仔全部是『殭迷』,冇老公都有男朋友,大家一齊影張相就俾人唱陪玩陪食,搞到我幾唔好意思,叫佢地同男朋友解釋下。」

棠叔有好多妹妹粉絲。

棠叔有好多妹妹粉絲。

黃樹棠話大陸好多觀眾睇完《我和殭屍有個約會》好鍾意,自發成立一個「殭迷會」,全國各地加埋的粉絲超過十萬人,「我經常同佢哋聯絡,好似陳啟泰去大陸出席活動,我就通知個邊嘅負責人,佢哋組隊拉晒橫額去捧場,一來見到偶像好開心,二來都可以打氣助陣,大家都開心,舊年我做舞台劇,佢地都好有心整紀念品送俾我。」

粉絲送紀念品好有心。

粉絲送紀念品好有心。

棠叔七十年代初期入行,縱橫影視圈四十多年。

棠叔七十年代初期入行,縱橫影視圈四十多年。

黃樹棠話自己咁多年都冇搞搞震,冇理由臨老入花叢,因為負責「殭迷會」的聯絡,各省「殭迷」聯絡人都是係佢老友,大家組隊到香港旅行,佢有時間都會帶大家遊香港,去到全國各地,大家禮尚往來又會招呼佢,大家有來有往好老友,棠叔話:「所以我點會退休呢!之前做完手術話俾自己聽永不言休,所以好勤力運動,又戒口一日食十餐,等自己盡快恢復狀態。」

黃樹棠大腸癌我和殭屍有個約會
上一篇 下一篇